६. गुटीपाडवा

६. गुटीपाडवा
सर्व दृष्टीने प्रसन्न असणारा चैत्र महिना जेव्हा येतो.हिंदू धर्मीयांच्या नववर्षाचा प्रारंभ होतो. आनंदी प्रीत्यर्थ गुढी उभारून साजरा केला जाणारा सण गुढीपाडवा.

गुढीपाडवा (वर्षप्रतिपदा' हा साडेतीन मुहुर्तापैकी एक मानला जातो. हा दिवस पुण्यकाळासारखा म्हणून नवीन
कामाचा, कार्याचा शुभारंभ या दिनी केला जातो. या महिन्यात हवेतील गारवा कमी झालेला असतो. व
उन्हाळ्याला प्रारंभ होतो. त्यामुळे सुरुवातीच्या या उन्हाळ्याला तीव्रता नसते. या दिवशी पहाटे लवकर उठून
मन व शरीर प्रसन्न करण्यासाठी प्रातर्विधी उरकून स्नान केले जाते. घरातील देवांच्या पूजेबरोबर, हा सण ज्या वारी आला आहे, त्या वाराच्या आधिपतीची पूजा केली जाते.

           पूर्वी गुढी उभरण्यासाठी चांदीचा कलश व जरी वस्त्र वापरले जात. आजसुद्धा ही प्रथा आहे. आता वस्त्राच्या ऐवजी भगवा झेंडा काठीला बांधून, त्यावर गड़ू किंवा छोटा तांब्या उपडा ठेवून, त्यावर फुलांची भरगच्च माळ, साखरमाळा बांधतात. व गुढी तुळशी-वृंदावनाचे बाजूला बांधली जाते. या दिवशी कडुलिंबाची कोवळ्या पानात,हरभ-्याची डाळ, ओवा, मीठ, गूळ घालून हे मिश्रण वाटले जाते. नंतर घरातील सर्वांना हा प्रसाद म्हणून दिला जातो. या प्रकारे शूभ कृतीचा मंगल मुहूर्त म्हणजे गुढीपाडवा.